中秋月日-記杜鵑風颱佮月全失

台羅二點鐘--台羅拼音二小時精通

足濟人會曉講台語但是袂曉注台語音，主要原因是毌捌練過。看起來真困難是因為無做好分類好好ah練習，其實17个聲母佮6个韻毌組合起來就將所有的台文字注了了矣。另外有４个入音符號hptk，是唯一較困難的所在！合起來比咱的華語ㄅㄆㄇ37个閣較少。遮有一个練習程式予你用二點鐘的時間就完全了解囉，無共你嘐潲（說大話）試看覓就知。你若有趣味會當另存新檔家己改，改了搝入去瀏覽器內面就ＯＫ囉，為啥乜？因為伊只是一个html檔案爾爾。連結佇遮。

用ArchLInux，共ibus 1.5.11 版揤讚

輸入法佇linux一向無啥穏定，定定掠袂著輸入焦點。上捷看著的是明明佇酷音輸入狀態，拍出來的字煞是英文。這時陣鳥鼠愛徒去別位點一下閣徒轉來，按呢拍出來就有注音符號。這雖然是小小不方便，知影了後就無問題了。但是對新手來講猶原霧煞煞，以為系統故障出狀況矣！現馬ibus上新的版本1.5.11版本已經無這个問題了，共in揤讚。過一站矣將電腦教室更新到這个版本，推動自由軟體觀念就閣較有力了。

台灣四句聯的𠢕人，台南市龍崎區林仙化

仙化仙仔是咱台灣做四句聯的𠢕人，蹛佇台南龍崎。毌知欲用啥乜話語來形容，只好嘛是一首四句聯學面冊揤讚。

贊林仙化
龍崎牛埔仙
台灣四句聯
話語激顛顛
語境媠䆀現

台灣軟體自由協會推出ArchLinux，專門予舊電腦用。

下跤這个連結是軟體自由協會會員自定包裝的ArchLinux，是欲將隨身碟裝linux用的。這个iso檔案掠落來了後先燒做光碟或者直接用任何linux系統將伊寫入去8G以上的隨身碟，作法是dd if=slat-restore-archlinux-201509-15795748864bytes.iso of=/dev/sdx 。x是usb或者硬碟的編號。到遮猶無法度用，因為伊只是復原光碟或者復原隨身碟爾爾，毌是真正的系統碟。下一步是揣一支usb隨身碟，容量愛比15795748864bytes閣較大才會使，用光碟或者隨身碟開機，復原入去這支16G隨身碟，完成了後這支16G隨身碟才是SLAT ArchLinux，用伊開機了後基本程式攏有了，LibreOffice是上新的5.0.1.2版了，而且有標點符號。這支主要目的是推捒開放文件格式ODF。登入的口座：student，密碼：0000，另外root密碼是hkjh。有趣味的人試看覓。

https://drive.google.com/file/d/0B7ATwXQovo9GdzY2aFV5Zzc0VE0/view?usp=sharing

LibreOffice Macro程式設計試用

一向毌捌佇LibreOffice頂懸寫程式，為著欲寫點名表予全校導師用，加上政府今年開始推動ＯＤＦ交換格式，用一寡時間揣相關資料來試看覓。下跤是簡單的記錄，嘛算是複習basic這个語言。伊是阮60年代出世老歲仔拄學電腦的時，逐家攏愛學的啦！是1960毌是民國60年代。想袂到進入軟體自由時代，這老硞硞的語言猶活ka遮好。

REM  *****  BASIC  *****
dim grade as long　　'年
dim mclass as long      '班
dim Dlg as object
dim docu as object
dim dispatch as object
  
Sub Main
  docu = ThisComponent.CurrentController.Frame
  dispatch = createUnoService("com.sun.star.frame.DispatchHelper")
  grade = 0
  mclass = 0
  DialogLibraries.LoadLibrary("Standard")
  Dlg = CreateUnoDialog(DialogLibraries.Standard.createNameTable)
  Dlg.Execute()
end sub

function sure()
   if grade = 0 or mclass = 0 then
      msgbox "愛添數字入去喔！"
   else 
      call start(grade, mclass)
   end if
end function

function setGrade()
   grade = Dlg.getControl("grade").Value
end function

function setMclass()
   mclass = Dlg.getControl("mclass").Value
end function

function start( grade as long, mclass as long)
  dim sheet as object
  dim range as new com.sun.star.table.CellRangeAddress
  
  range.Sheet = 2
  range.StartColumn = 1
  range.StartRow = 1
  range.EndColumn = 1
  range.EndRow = 38
    
  dim celladdr as new com.sun.star.table.CellAddress
  celladdr.sheet = 0 
  celladdr.column = 1
  celladdr.row = 5
  
  dim count as long
  dim srcsheet as object 
  dim recorded as boolean
  
  srcsheet = ThisComponent.Sheets(2)
  recorded = False
  count = 0 
  for row=2 to 1610
     myclass = srcsheet.getCellByPosition(3,row).getValue() '3是班級欄
     mygrade = srcsheet.getCellByPosition(2,row).getValue()
     if (myclass = mclass) and (mygrade = grade) then    '2是年級欄
        if not recorded then 
           range.StartRow = row
           recorded = True
        else count = count + 1
        end if
     end if
  next   
  range.EndRow = range.StartRow + count
  
  sheet = ThisComponent.Sheets(0)
  sheet.getCellByPosition(4,0).setValue(grade)
  sheet.getCellByPosition(7,0).setValue(mclass)  '因為合𢍒併格位
  sheet.copyRange(celladdr, range)
  
  sheet = ThisComponent.Sheets(1)
  celladdr.Sheet = 1                '1是背面
  sheet.getCellByPosition(4,0).setValue(grade)
  sheet.getCellByPosition(7,0).setValue(mclass)
  sheet.copyRange(celladdr, range)
                                       '有執行巨集，關學生名條
  ThisComponent.Sheets(2).IsVisible = False
End function